อวเสสา อพฺยากตมูลสหชาตา ธมฺมา อพฺยากตมูเลน เอกมูลมูลา, น จ อญฺญมญฺญมูลมูลา ฯ

(ข) เย วา ปน อพฺยากตมูเลน อญฺญมญฺญมูลมูลา, สพฺเพ เต ธมฺมา อพฺยากตาติ? อามนฺตาฯ

(3) มูลกนโย

[80] (ก) เย เกจิ อพฺยากตา ธมฺมา, สพฺเพ เต อพฺยากตมูลกาติ?

อเหตุกํ อพฺยากตํ น อพฺยากตมูลกํฯ สเหตุกํ อพฺยากตํ อพฺยากตมูลกํฯ

(ข) เย วา ปน อพฺยากตมูลกา, สพฺเพ เต ธมฺมา อพฺยากตาติ? อามนฺตาฯ

[81] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลกาติ?

อเหตุกํ อพฺยากตํ อพฺยากตมูเลน น เอกมูลกํฯ สเหตุกํ อพฺยากตํ อพฺยากตมูเลน เอกมูลกํฯ

(ข) เย วา ปน อพฺยากตมูเลน เอกมูลกา, สพฺเพ เต ธมฺมา อพฺยากตาติ? อามนฺตาฯ

[82] (ก) เย เกจิ อพฺยากตมูเลน เอกมูลกา ธมฺมา, สพฺเพ เต อพฺยากตมูเลน อญฺญมญฺญมูลกาติ?

มูลานิ ยานิ เอกโต อุปฺปชฺชนฺติ อพฺยากตมูลานิ เอกมูลกานิ เจว อญฺญมญฺญมูลกานิ จฯ อวเสสา อพฺยากตมูลสหชาตา ธมฺมา อพฺยากตมูเลน เอกมูลกา, น จ อญฺญมญฺญมูลกาฯ

(ข) เย วา ปน อพฺยากตมูเลน อญฺญมญฺญมูลกา, สพฺเพ เต ธมฺมา อพฺยากตาติ? อามนฺตาฯ

(4) มูลมูลกนโย

[83] (ก) เย เกจิ อพฺยากตา ธมฺมา, สพฺเพ เต อพฺยากตมูลมูลกาติ?

อเหตุกํ อพฺยากตํ น อพฺยากตมูลมูลกํฯ สเหตุกํ อพฺยากตํ อพฺยากตมูลมูลกํฯ

(ข) เย วา ปน อพฺยากตมูลมูลกา, สพฺเพ เต ธมฺมา อพฺยากตาติ? อามนฺตาฯ

[84] (ก) เย เกจิ อพฺยากตา ธมฺมา, สพฺเพ เต อพฺยากตมูเลน เอกมูลมูลกาติ?

อเหตุกํ อพฺยากตํ อพฺยากตมูเลน น เอกมูลมูลกํฯ สเหตุกํ อพฺยากตํ อพฺยากตมูเลน เอกมูลมูลกํฯ

(ข) เย วา ปน อพฺยากตมูเลน เอกมูลมูลกา, สพฺเพ เต ธมฺมา อพฺยากตาติ ? อามนฺตาฯ

[85] (ก) เย เกจิ อพฺยากตมูเลน เอกมูลมูลกา ธมฺมา, สพฺเพ เต อพฺยากตมูเลน อญฺญมญฺญมูลมูลกาติ?

มูลานิ ยานิ เอกโต อุปฺปชฺชนฺติ อพฺยากตมูลานิ เอกมูลมูลกานิ เจว อญฺญมญฺญมูลมูลกานิ จฯ อวเสสา อพฺยากตมูลสหชาตา ธมฺมา อพฺยากตมูเลน เอกมูลมูลกา, น จ อญฺญมญฺญมูลมูลกาฯ

(ข) เย วา ปน อพฺยากตมูเลน อญฺญมญฺญมูลมูลกา, สพฺเพ เต ธมฺมา อพฺยากตาติ? อามนฺตาฯ

4. นามา ธมฺมา (1) มูลนโย

[86] (ก) เย เกจิ นามา ธมฺมา, สพฺเพ เต นามมูลาติ?

นเวว นามมูลานิฯ อวเสสา นามา ธมฺมา น นามมูลาฯ

(ข) เย วา ปน นามมูลา, สพฺเพ เต ธมฺมา นามาติ? อามนฺตาฯ

[87] (ก) เย เกจิ นามา ธมฺมา, สพฺเพ เต นามมูเลน เอกมูลาติ?

อเหตุกํ นามํ นามมูเลน น เอกมูลํฯ สเหตุกํ นามํ นามมูเลน เอกมูลํฯ

(ข) เย วา ปน นามมูเลน เอกมูลา, สพฺเพ เต ธมฺมา นามาติ?

นามสมุฏฺฐานํ รูปํ นามมูเลน เอกมูลํ, น นามํฯ นามํ นามมูเลน เอกมูลญฺเจว นามญฺจฯ

[88] (ก) เย เกจิ นามมูเลน เอกมูลา ธมฺมา, สพฺเพ เต นามมูเลน อญฺญมญฺญมูลาติ?

มูลานิ ยานิ เอกโต อุปฺปชฺชนฺติ นามมูลานิ เอกมูลานิ เจว อญฺญมญฺญมูลานิ จฯ อวเสสา นามมูลสหชาตา ธมฺมา นามมูเลน เอกมูลา, น จ อญฺญมญฺญมูลาฯ

(ข) เย วา ปน นามมูเลน อญฺญมญฺญมูลา, สพฺเพ เต ธมฺมา นามาติ? อามนฺตาฯ

(2) มูลมูลนโย

[89] (ก) เย เกจิ นามา ธมฺมา, สพฺเพ เต นามมูลมูลาติ?

นเวว นามมูลมูลานิฯ อวเสสา นามา ธมฺมา น นามมูลมูลาฯ

(ข) เย วา ปน นามมูลมูลา, สพฺเพ เต ธมฺมา นามาติ? อามนฺตาฯ

[90] (ก) เย เกจิ นามา ธมฺมา, สพฺเพ เต นามมูเลน เอกมูลมูลาติ?

อเหตุกํ นามํ นามมูเลน น เอกมูลมูลํฯ สเหตุกํ นามํ นามมูเลน เอกมูลมูลํฯ

(ข) เย วา ปน นามมูเลน เอกมูลมูลา, สพฺเพ เต ธมฺมา นามาติ?

นามสมุฏฺฐานํ รูปํ นามมูเลน เอกมูลมูลํ, น นามํฯ นามํ นามมูเลน เอกมูลมูลญฺเจว นามญฺจฯ

[91] (ก) เย เกจิ นามมูเลน เอกมูลมูลา ธมฺมา, สพฺเพ เต นามมูเลน อญฺญมญฺญมูลมูลาติ?